Posted in: شعر

أقول لك شي عن غيرك يسليني

سحابة الشعر قصيدة رائعة غناها الفنان محمد السليمان في إلبوم ثورة إحساسي لا أعلم الشاعر لكني أعتقد إنها للشاعر الكبير مساعد الرشيدي رحمه الله :

مادامك تقول سو من الشعر فيني

قصايدي في بحور الشعر مغرقها

هات الورق والقلم ياضحكة سنيني

سحابة الشعر قام يلوح بارقها

مغيرك أحدٍ معنيني ومشقيني

غزوات رمشك منشرةٍ بيارقها

ياقلبي اللي تبرى من شراييني

بعد جمعت المحبة لا تفرقها

تدري وش الي بقالي قبل ترثيني

ماباقي غير كبدي ليش تحرقها

ان كان قصدك شعوري لاتخليني

وان كان قصدك حياتي لاتفارقها

أقول لك شي عن غيرك يسليني

ان كان للشمس مشرق فأنت مشرقها

اليوم بالله شف وينك وانا ويني

نسيت كل العهود اللي موثقها

مكانك القلب لامن طحت من عيني

فاتحلك ابواب حب كنت مغلقها

لاشفت جيدك وليلك قام يغريني

أموت في طيحة الغرة ومفرقها

لو تاقف أمة محمد بينك وبيني

روحي وروحك هوى الغربي يعانقها

هذي معاناة شعري ياأجمل سنيني

سحابة الشعر قام يلوح بارقها

اترك تعليقاً

لن يتم نشر عنوان بريدك الإلكتروني.

Back to Top