Sindhi
سورة العلق - عدد الآيات 19
ٱقۡرَأۡ بِٱسۡمِ رَبِّكَ ٱلَّذِي خَلَقَ ﰀ ﴿١﴾
(اي پيغمبر) پنھنجي پالڻھار جي نالي سان پڙھ جنھن (سارو جڳ) خلقيو.
خَلَقَ ٱلۡإِنسَٰنَ مِنۡ عَلَقٍ ﰁ ﴿٢﴾
ماڻھوءَ کي رت جي دِڳ مان بڻايائين.
ٱقۡرَأۡ وَرَبُّكَ ٱلۡأَكۡرَمُ ﰂ ﴿٣﴾
پڙھ ۽ تنھنجو پالڻھار ڏاڍو سڳورو آھي.
ٱلَّذِي عَلَّمَ بِٱلۡقَلَمِ ﰃ ﴿٤﴾
جنھن (ماڻھوءَ کي علم) قلم سان سيکاريو.
عَلَّمَ ٱلۡإِنسَٰنَ مَا لَمۡ يَعۡلَمۡ ﰄ ﴿٥﴾
ماڻھوءَ کي اُھو سيکاريائين جو نه ڄاڻندو ھو.
كَلَّآ إِنَّ ٱلۡإِنسَٰنَ لَيَطۡغَىٰٓ ﰅ ﴿٦﴾
سچ آھي ته بيشڪ ماڻھو سرڪشي ڪندو آھي.
أَن رَّءَاهُ ٱسۡتَغۡنَىٰٓ ﰆ ﴿٧﴾
جڏھن اُھو پاڻ کي بي پرواھ ڏسندو آھي.
إِنَّ إِلَىٰ رَبِّكَ ٱلرُّجۡعَىٰٓ ﰇ ﴿٨﴾
بيشڪ تنھنجي پالڻھار ڏانھن موٽي وڃڻو آھي.
أَرَءَيۡتَ ٱلَّذِي يَنۡهَىٰ ﰈ ﴿٩﴾
اُھو ڏٺو اٿئي ڇا جيڪو جھليندو آھي.
عَبۡدًا إِذَا صَلَّىٰٓ ﰉ ﴿١٠﴾
(منھنجي) ٻانھي کي جڏھن اھو نماز پڙھندو آھي.
أَرَءَيۡتَ إِن كَانَ عَلَى ٱلۡهُدَىٰٓ ﰊ ﴿١١﴾
ڏٺو اٿئي ڇا ته جيڪڏھن (اُھو ماڻھو) سڌي رستي تي ھجي ھا.
أَوۡ أَمَرَ بِٱلتَّقۡوَىٰٓ ﰋ ﴿١٢﴾
يا پرھيزگاريءَ جو حڪم ڪري ھا.
أَرَءَيۡتَ إِن كَذَّبَ وَتَوَلَّىٰٓ ﰌ ﴿١٣﴾
ڏٺو اٿئي ڇا ته جيڪڏھن ڪوڙ ڀانيائين ۽ پٺيرو ٿيو.
أَلَمۡ يَعۡلَم بِأَنَّ ٱللَّهَ يَرَىٰ ﰍ ﴿١٤﴾
ته (ھيُ) نه ڄاتائين ڇا ته الله ڏسي ٿو.
كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ ﰎ ﴿١٥﴾
ائين نه آھي! قسم آھي ته جيڪڏھن پاڻ نه پليندو، ته ضرور پيشانيءَ جي وارن کان وٺي گھلينداسونس.
نَاصِيَةٖ كَٰذِبَةٍ خَاطِئَةٖ ﰏ ﴿١٦﴾
اُھا پيشاني جا ڪوڙي گنھگار آھي.
فَلۡيَدۡعُ نَادِيَهُۥ ﰐ ﴿١٧﴾
پوءِ ڀلي ته پنھنجي ڪچھريءَ وارن کي سڏي.
سَنَدۡعُ ٱلزَّبَانِيَةَ ﰑ ﴿١٨﴾
اسين به دوزخ جي داروغن کي سڏينداسون.
كَلَّا لَا تُطِعۡهُ وَٱسۡجُدۡۤ وَٱقۡتَرِب۩ ﰒ ﴿١٩﴾
ائين نه آھي، تون چيو نه مڃيس ۽ سجدو ڪر ۽ (الله کي) ويجھو ٿيءُ.
