Татарча
Surah Al-'adiyat ( Those That Run ) - Aya count 11
وَٱلۡعَٰدِيَٰتِ ضَبۡحٗا ﰀ ﴿١﴾
Аллаһ юлында сугыш өчен сулуларын тавышландырып чабкучы атлар илә ант итәм.
فَٱلۡمُورِيَٰتِ قَدۡحٗا ﰁ ﴿٢﴾
Дагалары белән таштан ут чыгарып чабкучы атлар илә ант итәм.
فَٱلۡمُغِيرَٰتِ صُبۡحٗا ﰂ ﴿٣﴾
Таң вакытында Аллаһ юлында сугыш өчен ашыгып чабкучы атлар белән ант итәм.
فَأَثَرۡنَ بِهِۦ نَقۡعٗا ﰃ ﴿٤﴾
Ул атлар каты чабулары белән тузан күтәрерләр.
فَوَسَطۡنَ بِهِۦ جَمۡعًا ﰄ ﴿٥﴾
Вә бу атлы гаскәр Исламга һәм мөселманнарга зарар итүче кәфер кавеме арасына таң вакытында барып керделәр, аларны туздырмак өчен.
إِنَّ ٱلۡإِنسَٰنَ لِرَبِّهِۦ لَكَنُودٞ ﰅ ﴿٦﴾
Тәхкыйк кеше үзенең Раббысына вә Аның нигъмәтләренә көфран нигъмәт кылучыдыр, ягъни иман китермичә, Ислам динен кабул итмичә, үзен-үзе һәлак итүчедер.
وَإِنَّهُۥ عَلَىٰ ذَٰلِكَ لَشَهِيدٞ ﰆ ﴿٧﴾
Тәхкыйк имансыз кеше үзенең имансызлыгына Аллаһуга каршы кылган эшләре белән гуаһдыр.
وَإِنَّهُۥ لِحُبِّ ٱلۡخَيۡرِ لَشَدِيدٌ ﰇ ﴿٨﴾
Вә тәхкыйк Аллаһудан курыкмаган кеше малны артык сөйгәнлеге өчен малга бик каты сарандыр.
۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ ﰈ ﴿٩﴾
Әйә адәм баласы белмиме белерлек, гакылы бар түгелме – кабердәге үлекләр терелеп чыкканда һәм,
وَحُصِّلَ مَا فِي ٱلصُّدُورِ ﰉ ﴿١٠﴾
күкрәктәге игътикад, уй-фикерләр ачылганда.
إِنَّ رَبَّهُم بِهِمۡ يَوۡمَئِذٖ لَّخَبِيرُۢ ﰊ ﴿١١﴾
Ул көндә Раббылары аларның кылган эшләреннән хәбәрдар икәнен?
