Татарча
Surah Al-Qari'ah ( The Striking Hour ) - Aya count 11
ٱلۡقَارِعَةُ ﰀ ﴿١﴾
Катылыгы вә куркынычы белән җирне вә күкләрне кагучы кыямәт көне!
مَا ٱلۡقَارِعَةُ ﰁ ﴿٢﴾
Никадәр каты куркынычлыдыр ул кыямәт көне!
وَمَآ أَدۡرَىٰكَ مَا ٱلۡقَارِعَةُ ﰂ ﴿٣﴾
Ул кыямәт көненең катылыгы вә куркынычы ни дәрәҗәдә икәнлеген сиңа кем белдерде?
يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ ﰃ ﴿٤﴾
Ул көндә кешеләр каты куркуларыннан тузылган чикерткәләр кеби тузылып таралып китәләр, һәм бер берсен күрмәсләр.
وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ ﰄ ﴿٥﴾
Вә таулар буялган вә тетелгән йон кеби булырлар.
فَأَمَّا مَن ثَقُلَتۡ مَوَٰزِينُهُۥ ﰅ ﴿٦﴾
Берәүнең ягъни мөселманның үлчәүдә гөнаһына караганда сәвабы авырырак күберәк булса.
فَهُوَ فِي عِيشَةٖ رَّاضِيَةٖ ﰆ ﴿٧﴾
Ул мөселман җәннәттә үзе разый булган рәхәт тормыштадыр.
وَأَمَّا مَنۡ خَفَّتۡ مَوَٰزِينُهُۥ ﰇ ﴿٨﴾
Вә бер мөселманның үлчәүдә сәвабына караганда гөнаһы авыр килсә ягъни яхшылыгына караганда яманлыгы күбрәк булса.
فَأُمُّهُۥ هَاوِيَةٞ ﰈ ﴿٩﴾
Аның анасы – мәрхәмәтсез булган Һавийә исемле җәһәннәм аңа урын булыр.
وَمَآ أَدۡرَىٰكَ مَا هِيَهۡ ﰉ ﴿١٠﴾
Ул һавийәнең нәрсә икәнен сиңа нәрсә белдерде?
نَارٌ حَامِيَةُۢ ﰊ ﴿١١﴾
Ул һавийә кыздырылган утдыр.
