Татарча
Surah At-Takathur ( The piling Up ) - Aya count 8
أَلۡهَىٰكُمُ ٱلتَّكَاثُرُ ﰀ ﴿١﴾
Сезне ахирәт өчен кирәк булган гамәлләрдән гафил кылды, алдады, мәхрүм итте, дөнья малын күбәйтү белән мактанышуларыгыз.
حَتَّىٰ زُرۡتُمُ ٱلۡمَقَابِرَ ﰁ ﴿٢﴾
Хәттә үлеп кабергә кергәнегезгә хәтле алдануыгызны, дәвам иттердегез.
كَلَّا سَوۡفَ تَعۡلَمُونَ ﰂ ﴿٣﴾
Юк, алданмагыз, әле дөньяга алданып тыныч кына яшәсәгез дә, тиздән белерсез алданганыгызны!
ثُمَّ كَلَّا سَوۡفَ تَعۡلَمُونَ ﰃ ﴿٤﴾
Янә әйтәмен, әле тыныч кына йөрсәгез дә мәңгегә алданганыгызны тиздән белерсез!
كَلَّا لَوۡ تَعۡلَمُونَ عِلۡمَ ٱلۡيَقِينِ ﰄ ﴿٥﴾
Юк алданмагыз, әгәр дөньяга алданып ахирәттән мәхрүм калуның иң зур алдану икәнен чын белү белән белсәгез, әлбәттә, дөньяга һич тә алданмаган булыр идегез.
لَتَرَوُنَّ ٱلۡجَحِيمَ ﰅ ﴿٦﴾
Сез, әлбәттә, җәһәннәмне күрерсез.
ثُمَّ لَتَرَوُنَّهَا عَيۡنَ ٱلۡيَقِينِ ﰆ ﴿٧﴾
Соңрак аны якыннан ачык күрерсез.
ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ ﰇ ﴿٨﴾
Соңра сезне ахирәт гамәленнән мәхрүм иткән дөнья нигъмәтләреннән соралырсыз. Бит Аллаһ сезгә гакыл фикерне һәм күз, колак, телне һәм аяк-кулны дөньяда яшәр өчен генә түгел, бәлки ахирәткә хәзерләнер өчен биргән иде, шулай ук дөнья байлыгын да ахирәткә хәзерләнү өчен кулланырга биргән иде.
